சென்னை:''சிட்டி யூனியன் வங்கியின் நிகர லாபம், இரண்டாம் காலாண்டில், 167.99 கோடியாக அதிகரித்து, கடந்த ஆண்டை விட, 16 சதவீதம் உயர்ந்துள்ளது,'' என, வங்கியின் நிர்வாக இயக்குனர், என்.காமகோடி தெரிவித்தார்.


இதுகுறித்து, அவர் சென்னையில் நேற்று அளித்த பேட்டி:சிட்டி யூனியன் வங்கி, நடப்பு நிதியாண்டின் இரண்டாவது காலாண்டில், நிகர வட்டி வருவாய் 398.02 கோடி ரூபாயாக அதிகரித்துள்ளது. இது, கடந்த ஆண்டு இதே கால கட்டத்தில், 354.84 கோடி ரூபாயாக இருந்தது.நிகர லாபம், 144.74 கோடி ரூபாயிலிருந்து, 167.99 கோடி ரூபாயாக அதிகரித்து, 16 சதவீதம் உயர்ந்துள்ளது.


இதே போன்று, இரண்டாவது காலாண்டில், 29 ஆயிரத்து, 785 கோடி ரூபாய் கடன் வழங்கப்பட்டுள்ளது.இது கடந்த ஆண்டு, 25 ஆயிரத்து, 389 கோடி ரூபாயாக இருந்தது. கடந்த ஆண்டை விட, 17 சதவீதம் வளர்ச்சி அடைந்துள்ளது. வங்கி வைப்புத் தொகையும், 30 ஆயிரத்து, 882 கோடியிலிருந்து, 34 ஆயிரத்து, 534 கோடி ரூபாயாக உயர்ந்துள்ளது.வங்கியின் மொத்த வணிகம், 56 ஆயிரத்து, 270 கோடியிலிருந்து, 64 ஆயிரத்து, 319 கோடி அதிகரித்து, 14 சதவீதம் உயர்ந்துள்ளது.


காசா வைப்பு தொகை வளர்ச்சி, 15 சதவீதம் உயர்ந்துள்ளது. வங்கி செயல்பாட்டு லாபம், 320.04 கோடியிலிருந்து, 295.95 கோடியாக குறைந்துள்ளது.மேலும், நிகர லாபம், கடந்த ஆண்டை விட அதிகரித்ததற்கு, வாராக் கடன் அதிகம் வசூலானது முக்கிய காரணமாகும்.செயல்பாட்டு லாபம் குறைந்ததற்கு, சந்தையில் நிலையற்ற தன்மை நிலவியது முக்கிய காரணமாகும். டிஜிட்டல் முறைக்கு மாறினாலும், வங்கி கிளைகளை, குறைக்கும் எண்ணம் இல்லை.



சிட்டி யூனியன் வங்கியின், 115வது ஆண்டு துவங்கியுள்ளது. கும்பகோணத்தில் துவங்கப்பட்ட முதல் வங்கி கிளையின், 114ம் ஆண்டு நிறுவன தினம், நவ., 1ல் கொண்டாடப்பட்டது.இவ்வாறு அவர் கூறினார்.

மேலும் வங்கி மற்றும் நிதி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு நவம்பர் 02,2018

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் நவம்பர் 02,2018

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது நவம்பர் 02,2018

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி நவம்பர் 02,2018

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு நவம்பர் 02,2018

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்