சொந்த வீட்டு கனவுக்கு அடுத்தபடியாக பலரும் முக்கியமாக கருதுவது, சொந்தமாக கார் வாங்குவதை தான். நவீன வாழ்க்கையில் காருக்கான தேவையும் அதிகரித்துள்ளது. கார் வாங்க வங்கி கடன் பெறலாம் என்றாலும், செயல்முறை சிக்கல் இல்லாமல், தாமதம் இல்லாமல் கடன் பெறுவதற்கு பின்பற்ற வேண்டிய வழிகள் இதோ:

கிரெடிட் ஸ்கோர் :
கடனுக்கு விண்ணப்பிக்கும் முன் முதலில் உங்கள் கிரெடிட் ஸ்கோரை அறிய வேண்டும். கடன் தகுதியை தீர்மானிக்கும் இந்த மூன்று இலக்க ஸ்கோர், 750 என்ற அளவில் இருந்தால் நல்லது. அதற்கு கீழ் இருந்தால் விண்ணப்பம் நிராகரிக்கப்படலாம் அல்லது வட்டி விகிதம் அதிகமாகலாம். குறைவான கிரெடிட் ஸ்கோர் எனில், முதலில் அதை சரி செய்ய வேண்டும்.

முன்பணம் :
பெரும்பாலான வங்கிகள் கார் விலையில், 20 சதவீத தொகையை செலுத்துமாறு கூறலாம். எனவே இந்த முன்பணம் மற்றும் தேவையான ஆவணங்களை தயாராக வைத்திருக்க வேண்டும். ஒரு சில வங்கிகள், 100 சதவீத தொகையை கடனாக வழங்கினாலும், ஒரு பகுதியை நீங்கள் வழங்குவது திருப்பி செலுத்துவதை எளிதாக்கும்.

வருமான வரலாறு :
உங்கள் வருமானம் மற்றும் பணி விபரங்கள் முக்கியமானவை. வங்கிகள் குறிப்பிட்ட அம்சங்களை கடன் தகுதியாக வலியுறுத்தலாம். சம்பளம் வாங்கும் ஊழியர் எனில் கார் கடன் பெற குறைந்தது, இரண்டு ஆண்டுகள் பணியில் இருக்க வேண்டும். சுயதொழில் செய்வோர் எனில் அதற்கேற்ற வருவாயை கொண்டிருக்க வேண்டும்

கடன் தொகை :
விரும்பிய காரை வாங்குவது முக்கியம் என்றாலும், அதைவிட முக்கியம் கடன் தவணையால் வாழ்வியல் முறை அல்லது இலக்குகள் பாதிக்கக் கூடாது. எனவே, திருப்பி செலுத்தக்கூடிய அளவிலான கடனை தான் பெற வேண்டும். இதற்கான அளவை கணக்கிட்டு அதற்கேற்ற கடனை தேர்வு செய்ய வேண்டும்.

கூட்டு விண்ணப்பம் :
பொதுவாக கடனுக்கு கூட்டாக விண்ணப்பித்தால் அனுமதி கிடைப்பது எளிது. கார் கடனுக்கும் இது பொருந்தும். எனவே, கூட்டு விண்ணப்பதாரரோடு கடனுக்கும் விண்ணப்பிக்கலாம். இருவரது வருமானமும் சேர்த்து கணக்கில் கொள்ளப்படும். குடும்ப உறுப்பினர்கள் அல்லது வாழ்க்கை துணையுடன் விண்ணப்பிக்கலாம்.

மேலும் வங்கி மற்றும் நிதி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு நவம்பர் 26,2018

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் நவம்பர் 26,2018

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது நவம்பர் 26,2018

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி நவம்பர் 26,2018

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு நவம்பர் 26,2018

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்