புதுடில்லி : பார்லிமென்ட் நிலைக் குழு கேள்விகளுக்கு, எழுத்துப்பூர்வமாக பதில் அளிப்பதாக, ரிசர்வ் வங்கி கவர்னர், உர்ஜித் படேல் கூறியுள்ளார்.

முன்னாள் மத்திய அமைச்சர், வீரப்ப மொய்லி தலைமையில், நிதித் துறைக்கான, பார்லி., நிலைக் குழு முன், உர்ஜித் படேல் நேற்று ஆஜராகி, உறுப்பினர்களின் சரமாரியான கேள்விகளுக்கு பதில் அளித்தார்.

இது குறித்து, தகவல் அறிந்த வட்டாரங்கள் கூறியதாவது: நான்கு ஆண்டுகள் காணாத அளவிற்கு உயர்ந்த கச்சா எண்ணெய் விலை, தற்போது குறைந்துள்ளதால், நாட்டின் பொருளாதார வளர்ச்சி நன்கு இருக்கும் என, உர்ஜித் படேல் தெரிவித்தார்.

கடன் வளர்ச்சி, 15 சதவீதமாக உள்ளது. பணமதிப்பு நீக்க நடவடிக்கை, பொருளாதாரத்தில், தற்காலிக தாக்கத்தை ஏற்படுத்தியது. ‘ஜி – 20’ கூட்டமைப்பு முடிவின்படி, ‘பேசல் – 3’ விதிமுறையை பின்பற்றி, வங்கிகள், மூலதன இருப்பு விகிதத்தை பராமரிக்க நேர்ந்துள்ளதாக அவர் கூறினார்.

முதன் முறையாக, மத்திய அரசு, ரிசர்வ் வங்கி சட்டம், பிரிவு – 7ஐ பயன்படுத்தியது; வாராக் கடன்; ரிசர்வ் வங்கி சுதந்திரத்தில் மத்திய அரசின் தலையீடு உள்ளிட்ட, சர்ச்சை கேள்விகளுக்கு, நேரடியாக எதுவும் கூறாமல், சாமர்த்தியமாக பதில் அளித்தார்.

நிலைக் குழு உறுப்பினர்கள், ஏராளமான கேள்விகளை கேட்டதால், அவற்றுக்கு, 10 – 15 நாட்களில், எழுத்துப்பூர்வமாக பதில் அளிப்பதாக, உர்ஜித் படேல் தெரிவித்தார்.இவ்வாறு அந்த வட்டாரங்கள் தெரிவித்தன.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு நவம்பர் 28,2018

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் நவம்பர் 28,2018

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது நவம்பர் 28,2018

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி நவம்பர் 28,2018

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு நவம்பர் 28,2018

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்