பதிவு செய்த நாள்
01 ஜன2019
23:52
புதுடில்லி:மாருதி சுசூகி நிறுவனத்தின் டிசம்பர் மாத விற்பனை, 1.3 சதவீதம் அளவுக்கு சரிவை சந்தித்துள்ளது.
நாட்டின் முன்னணி வாகன தயாரிப்பு நிறுவனமான மாருதி சுசூகி, டிசம்பர் மாதத்தில், 1
லட்சத்து 28 ஆயிரத்து 338 வாகனங்களை விற்பனை செய்துள்ளது.இது,
அதற்கு முந்தைய ஆண்டின் இதே மாதத்தோடு ஒப்பிடுகையில், 1.3
சதவீதம் குறைவாகும். 2017ம் ஆண்டு டிசம்பர் மாதத்தில், 1 லட்சத்து
30 ஆயிரத்து 66 வாகனங்கள் விற்பனை ஆகியுள்ளன.
அதே சமயம், உள்நாட்டில் விற்பனை, 1.8 சதவீதம் அளவுக்கு அதிகரித்துள்ளது. கடந்த டிசம்பரில், உள்நாட்டில், 1 லட்சத்து 21 ஆயிரத்து 479 கார்கள் விற்பனை ஆகியுள்ளன. இதுவே அதற்கு முந்தைய ஆண்டில், இதே மாதத்தில், 1 லட்சத்து 19 ஆயிரத்து 286 கார்கள் மட்டுமே விற்பனை செய்யப்பட்டுள்ளன.
‘ஆல்டோ, வேகன் ஆர்’ ஆகியவற்றை உள்ளடக்கிய, சிறிய ரக கார்களின் விற்பனை, 14 சதவீதம் அளவுக்கு சரிவை சந்தித்து உள்ளது. இந்த ரக கார்களின் விற்பனை, கடந்த மாதத்தில், 27 ஆயிரத்து 661 என்பதாக இருந்தது. இதுவே அதற்கு முந்தைய ஆண்டின் டிசம்பர் மாதத்தில், 32 ஆயிரத்து 146 ஆக இருந்தது.காம்பாக்ட் ரக கார்களான சுவிப்ட், செலிரியோ, இக்னிஸ், பலேனோ, டிசையர் ஆகியவற்றின் விற்பனை, 3.8 சதவீதம் சரிவை கண்டு, 51 ஆயிரத்து 334 கார்கள் என்ற அளவில் உள்ளன.
அதற்கு முந்தைய ஆண்டில் இதே ரக கார்கள் விற்பனை, 53 ஆயிரத்து 336 ஆக இருந்தது. நடுத்தர செடான் ரகத்தை பொறுத்தவரை, 4,734 சியஸ் கார்கள் விற்பனை ஆகியுள்ளன. இதுவே அதற்கு முந்தைய ஆண்டில், 2,382 கார்களாக இருந்தன.பல்நோக்கு பயன்பாட்டு வாகனங்களான, விட்டாரா பிரெஸ்ஸா, எஸ் கிராஸ், எர்டிகா ஆகியவற்றின் விற்பனை, 4.9 சதவீதம் அதிகரித்துஉள்ளது.
ஏற்றுமதியை பொறுத்தவரை, டிசம்பர் மாதத்தில், 36.4 சதவீதம் சரிவை சந்தித்துள்ளது. மொத்தம் 6,859 கார்கள் ஏற்றுமதி செய்யப்பட்டு உள்ளன. இதுவே, அதற்கு முந்தைய ஆண்டில்,
10 ஆயிரத்து 780 கார்கள் விற்பனை செய்யப்பட்டிருந்தன.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|