கச்சா எண்ணெய்

சர்­வ­தேச சந்­தை­யில், கச்சா எண்­ணெய் விலை, கடந்த வாரம், 1 பேர­லுக்கு, 3 அமெ­ரிக்க டாலர் குறைந்து வர்த்­த­கம் முடி­வுற்­றது. ஜன­வரி மற்­றும் பிப்­ர­வரி மாதங்­களில், எண்­ணெய் விலை உயர்ந்து வர்த்­த­கம் ஆனது. தற்­போது, மார்ச் மாத துவக்­கத்­தில் சற்று சரிவு நிலை காணப்­ப­டு­கிறது.


கடந்த வார வியா­பா­ரம், அதற்கு முன் இருந்த நிலை­யி­லேயே ஆரம்­பித்த போதி­லும், ஆரம்ப நாட்­களில் விலை உயர்ந்து வர்த்­த­க­மா­னது. இருப்­பி­னும், வார இறுதி நாளான வெள்ளி அன்று, கடும் சரிவை சந்­தித்­தது.அமெ­ரிக்­கா­வின் பொரு­ளா­தார கார­ணி­யான, ஐ.எஸ்.எம்., எனப்­படும், தொழில் துறை வளர்ச்சி குறி­யீட்டு எண், எதிர்­பார்த்­ததை விட குறைந்து விட்­டது.


கடந்த, 2014 நவம்­பர் மாதத்­துக்கு பின் வந்த குறை­வான வளர்ச்சி குறி­யீடு இதுவே ஆகும். இத­னால் தொழில் வளர்ச்சி குறை­யும், கச்சா எண்­ணெய் தேவை பாதிக்­கப்­படும் என்ற கருத்து நில­வி­யது.மேலும், சந்­தை­யில் அமெ­ரிக்க நாணய குறி­யீட்டு எண், 10 மாத உயர்வை எட்­டி­யது. இது போன்ற நிலை­கள், கச்சா எண்­ணெய் விலை சரிய கார­ண­மாக அமைந்­தன.


‘ராய்ட்­டர்ஸ்’ நிறு­வ­னத்­தின் கருத்­துப்­படி, ‘ஒபெக்’ நாடு­களின் பிப்­ர­வரி மாத தின­சரி எண்­ணெய் ஏற்­று­மதி, ஜன­வரி மாதத்­தில் இருந்­ததை விட, 3 லட்­சம் பேரல் குறைந்தி­ருந்­தது. இன்­னும் சொல்­வ­தென்­றால், 2015ம் ஆண்­டுக்கு பின், பிப்­ர­வரி மாதத்­தில் தான் குறைந்த
அள­வி­லான ஏற்­று­மதி நடை­பெற்­றது.


ஜன­வரி மற்­றும் பிப்­ர­வரி மாதங்­களில் மட்­டும், எண்­ணெய் விலை, 1 பேர­லுக்கு, 15 அமெ­ரிக்க டாலர் உயர்ந்­தி­ருந்­தது.அதா­வது, கடந்த ஆண்டு அக்­டோ­பர் முதல், டிசம்­பர் வரை குறைந்­தி­ருந்த எண்­ணெய் விலை, ஒபெக் மற்­றும் ரஷ்ய நாடு­களின் உற்­பத்தி குறைப்பு நட­வ­டிக்கை
கார­ண­மா­க­வும் இந்த விலை ஏற்­றம் காணப்­பட்­டது.


ஜன­வரி, 28ம் தேதி, அமெ­ரிக்கா, வெனி­சுலா நாட்­டின் மீது கொண்டு வந்த பொரு­ளா­தார தடை கார­ண­மாக, அந்­நாட்­டின் எண்­ணெய் ஏற்­று­மதி கடு­மை­யாக பாதிக்­கப்­பட்­டது; 40 சத­வீ­தத்­துக்கு மேல் ஏற்­று­மதி சரிந்­தது.ரஷ்ய நாட்­டின் எண்­ணெய் உற்­பத்தி, பிப்­ர­வரி மாதத்­தில், ஒப்­பந்­தப்­படி தின­சரி, 97 ஆயி­ரம் பேரல்­கள் குறைக்­கப்­பட்­டி­ருந்­தது குறிப்­பி­டத்­தக்­கது.


ஒபெக் மற்­றும் ஒபெக்­கில் இல்­லாத நாடு­கள், அடுத்த மாதம் மத்­தி­யில் சந்­தித்து, அவற்­றின் எண்­ணெய் உற்­பத்தி குறித்து ஆலோ­சிக்க உள்­ள­ன. சீனா, கொரியா ஆகிய நாடு­களின் தொழில் துறை வளர்ச்சி குறி­யீடு தொடர்ந்து சரிந்து வரு­வ­தும், கச்சா எண்­ணெய் தேவை குறைவை வெளிப்­படுத்­து­கிறது.இருப்­பி­னும், நம் நாட்­டின் டீசல் தேவை மற்­றும் நுகர்வு, வர­லாற்று உச்­சத்தை எட்­டி­யுள்­ளது. அதா­வது, 7 சத­வீ­தம் உயர்ந்­துள்­ளது.


தங்கம் வெள்ளி

இந்த ஆண்­டின் ஆரம்­பம் முதல், தங்­கம் மற்­றும் வெள்ளி விலை, தொடர்ந்து உயர்ந்து வந்த நிலை­யில், கடந்த வாரம், 3 சத­வீ­தத்­துக்கு மேல் சரிந்­தது. சர்­வ­தேச சந்­தை­யில், 1 அவுன்ஸ் தங்­கம், 45 அமெ­ரிக்க டாலர் குறைந்து, 1,295 டாலர் என்ற நிலை­யில் வர்த்­த­க­மாகி வரு­கிறது.
கடந்த வாரத்­தில், வியா­ழன் அன்று, அமெ­ரிக்க பொரு­ளா­தார கார­ணி­யான, ஜி.டி.பி., விப­ரம்
வெளி­வந்­தது. இது, எதிர்­பார்த்­த­தை­விட சற்று உயர்ந்து, பொரு­ளா­தார வளர்ச்­சிக்கு சாத­க­மாக வந்­தது.


இதன் கார­ண­மாக, அமெ­ரிக்க அரசு சார்ந்த கரு­வூ­லங்­களின் ஆதா­யம் பெரு­கும்; முத­லீட்­டா­ளர்­களின் ஆர்­வம், தங்­கம் மீது குறை­யும் என்ற கண்­ணோட்­டம் உரு­வா­னது. அத­னால், வார இறுதி நாட்­க­ளான வியா­ழன், வெள்ளி கடும் விலை சரிவு ஏற்­பட்­டது.வெள்­ளி­யின் விலை­யும் கடும் சரிவை சந்­தித்­துள்­ளது.


கடந்த ஆண்டு பிப்­ர­வ­ரிக்கு பின் ஏற்­பட்ட மிகப்­பெ­ரிய சரிவு இதுவே ஆகும். பங்­குச் சந்­தை­களின் வளர்ச்சி, தங்­கம் மற்­றும் வெள்­ளி­யின் மீதான முத­லீட்டு ஆர்­வத்தை குறைத்­துள்­ளது என்று கூற­லாம்.எஸ்.பி.டி.ஆர்., எனப்­படும், தங்க இருப்பு வைப்பு நிதி­யின் இருப்பு, கடந்த டிசம்­பர் மாதத்தை காட்­டி­லும் தற்­போது குறை­வாக உள்­ளது. கடந்த ஆண்டு அக்­டோ­பர் முதல், நடப்­பாண்டு பிப்­ர­வரி வரை, உயர்­வில் வர்த்­த­கம் ஆன தங்­கம், தற்­போது சரி­வில் வர்த்­த­க­மாகி வரு­கிறது.சர்­வ­தேச சந்­தை­யில், 1 அவுன்ஸ் தங்­கம், 1,275 டாலர் என்­பது நல்ல சப்­போர்ட்.

செம்பு

அமெ­ரிக்க பொருள் வாணிப சந்­தை­யில், செம்பு விலை­யா­னது, கடந்த ஆறு மாதங்­க­ளாக, ஒரே அள­வி­லான ஏற்ற, இறக்­கங்­க­ளு­டன் வர்த்­த­க­மாகி வரு­கிறது. அதா­வது, 1 பவுண்டு செம்­பின் விலை, 2.50 முதல், 3 டாலர் என்ற நிலை­யில் வர்த்­த­க­மாகி வரு­கிறது.


இதற்கு, இரு முக்­கிய கார­ணங்­கள் உள்ளன. முத­லா­வ­தாக, அமெ­ரிக்க நாண­யத்­தின் மதிப்பு உயர்வு. இரண்­டா­வ­தாக, நிலவி வரும் நாடு­க­ளுக்கு இடை­யே­யான வர்த்­தக மோதல். குறிப்­பாக, சீனா, அமெ­ரிக்கா ஆகிய நாடு­கள், இறக்­கு­மதி பொருட்­க­ளுக்­கான வரியை உயர்த்தி வரு­கின்றன. இத­னால், அனைத்து நிலை­களி­லும் பாதிப்பு ஏற்­பட்­டுள்­ளது. குறிப்­பாக, தொழிற்­சாலை மூலப்­பொ­ருட்­க­ளான செம்பு, நிக்­கல், இரும்பு உள்­ளிட்ட பொருட்­களின் விலை­யில் நல்ல தாக்­கம் ஏற்­பட்­டுள்­ளது.


உலக அள­வில், செம்பு நுகர்­வில், சீனா முத­லி­டம் வகிக்­கிறது. சீனா­வின் தேவை மற்­றும் இறக்­கு­மதி, செம்­பின் விலை­யில் மாற்­றங்­களை ஏற்­ப­டுத்­தும். கடந்த சில மாதங்­க­ளாக, சீனா­வின் நுகர்வு தேவை குறைந்­த­தன் கார­ண­மாக, விலை கடு­மை­யாக சரிந்­துள்­ளது. வரும் நாட்­களில் இத்­த­கைய போக்கு கட்­டுக்­குள் கொண்டு வரப்­படும் என, எதிர்­பார்க்­கப்­ப­டு­கிறது.

மேலும் கம்மாடிட்டி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மார்ச் 03,2019

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மார்ச் 03,2019

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மார்ச் 03,2019

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மார்ச் 03,2019

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மார்ச் 03,2019

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்