சேமிப்பிற்கும், முதலீட்டிற்கும் உதவும் வகையில் வங்கி சேமிப்பு கணக்குகளை சிறந்த முறையில் நிர்வகிப்பது, உங்கள் நிதி எதிர்காலத்திற்கு வலு சேர்க்கும்.

உங்களிடம் ஒன்றுக்கும் மேற்பட்ட வங்கி சேமிப்பு கணக்குகள் இருப்பதற்கான வாய்ப்புகள் அதிகம். அடிக்கடி வேலை மாறும் தன்மை கொண்டவர்களுக்கு, புதிய நிறுவனத்தில் சேரும் போது, சம்பளத்திற்கான வங்கி கணக்கும் புதிதாக துவங்கப்படுகிறது. இளம் வயதினரை பொருத்தவரை, முதல் வங்கி கணக்கை பெற்றோர் துவக்கி அளிக்கின்றனர். அதன் பிறகு, தேவைக்காக அவர்கள் மற்றொரு கணக்கை துவக்கி கொள்கின்றனர். ஒரு சிலர், வங்கியாளர் கேட்டுக்கொண்டதற்காக சேமிப்பு கணக்கை துவக்கின்றனர்.

இப்படி பல காரணங்களால், பல்வேறு சேமிப்பு கணக்குகளை வைத்திருக்கும் நிலை பலருக்கு இருக்கலாம். ஆனால், ஒன்றுக்கும் மேற்பட்ட சேமிப்பு கணக்குகளை வைத்திருக்கும் போது, அவற்றை பராமரிப்பதில் சிக்கல் ஏற்படலாம். மேலும், சேமிப்பு கணக்குகள் முற்றிலும் இலவசமானவை அல்ல என்பதை நினைவில் கொள்ள வேண்டும். அவற்றுக்கு என ஒரு செலவு இருக்கிறது. சேமிப்பு கணக்குகள் பல்வேறு சேவை கட்டணங்களை வசூலிக்கின்றன. அவற்றுக்கான குறைந்த பட்ச தொகையை பராமரிக்க வேண்டும். இவ்வாறு செய்யத்தவறினால் அபராதம் செலுத்த வேண்டும். இவை செலவுகளை அதிகமாக்கும்.

எனவே, அதிகமான சேமிப்பு கணக்குகளை வைத்திருப்பதை தவிர்ப்பது நல்லது. தேவையற்ற கணக்குகளை மூடி விட வேண்டும். சரி, ஒருவர் எத்தனை சேமிப்பு கணக்குகளை வைத்திருப்பது ஏற்றதாக இருக்கும்? இந்த கேள்விக்கு பதிலாக குறிப்பிட்ட எண்ணிக்கை எதுவும் இல்லை என்றாலும், இரண்டு அல்லது மூன்று சேமிப்பு கணக்குகளே போதுமானவை என, கருதப்படுகின்றன. முதல் சேமிப்பு கணக்கை வருமானத்திற்கான கணக்காக வைத்திருக்கலாம். இந்த கணக்கையே சேமிப்பு மற்றும் முதலீட்டிற்கானதாகவும் வைத்துக் கொள்ளலாம். இரண்டாவது கணக்கை செலவுகளுக்கு என்று வைத்துக் கொள்ளலாம்.

மாதாந்திர செலவுகள், பில் தொகை செலுத்துவது போன்றவற்றை செலவு கணக்கில் இருந்து மேற்கொள்ளலாம். இது, பட்ஜெட்டிற்கு ஏற்ப செயல்படவும் உதவும். தேவை எனில், முதலீட்டிற்கு என்று தனி கணக்கும் வைத்துக் கொள்ளலாம். ஆனால், இதையும் வருமான கணக்கு மூலமே மேற்கொள்ளலாம்.மாத சம்பளம் தவிர, முதலீட்டின் பலம், டிவிடெண்ட் வருமானம் போன்றவை இந்த கணக்கில் வரவு வைக்கலாம். இவை தவிர மற்ற கணக்குகள் தேவையற்றவை. இதே போல, கூட்டாக சேமிப்பு கணக்கை வைத்துக்கொள்வது தொடர்பான கேள்வியும் எழலாம்.

இந்த கேள்விக்கான பதில், சம்பந்தப்பட்டவர்களின் குடும்ப உறவு நிலை மற்றும் அவர்களது நிதி பழக்கம் சார்ந்து அமையும். நல்ல நிதி புரிதல், கூட்டு இலக்குகள், கூட்டு பொறுப்புகள் என இருக்கும் போது, கூட்டு சேமிப்பு கணக்கு ஏற்றதாக இருக்கும். எப்படி இருந்தாலும், இருவரில் யார் ஒருவர் வேண்டுமானாலும் இயக்க கூடிய வகையில் கூட்டு சேமிப்பை கணக்கை அமைத்துக் கொள்வது நல்லது.பல சேமிப்பு கணக்குகளை வைத்திருக்கும் போது, சில கணக்குகளை இயக்க மறந்துவிடும் நிலையும் ஏற்படலாம்.

ஒரு சில கணக்குகளில் பல ஆண்டுகளாக பணம் பயன்படுத்தப்படாமல் கூட இருக்கலாம். தவிர, அந்த கணக்குகளில், டெபிட் கார்டு சேவை போன்றவற்றுக்கான கட்டணமும் பிடித்தம் செய்யப்படலாம். இந்த காரணங்களுக்காகவும் சேமிப்பு கணக்குகளை முறைப்படுத்தி, தேவைப்படும் கணக்குகளை மட்டுமே பராமரிக்க வேண்டும்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஏப்ரல் 01,2019

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஏப்ரல் 01,2019

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஏப்ரல் 01,2019

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஏப்ரல் 01,2019

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஏப்ரல் 01,2019

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்