பதிவு செய்த நாள்
07 ஏப்2019
23:37
நிதி திட்டமிடல் என்பது ஒரு தொடர் செயல்பாடாகும். அவ்வப்போது உங்கள் திட்டமிடலை ஆய்வு செய்து, முன்னேற்றம் மற்றும் முதலீட்டில் தேவையான மாற்றங்களை ஆய்வு செய்வது அவசியம். புதிய நிதியாண்டின் துவக்கம் இதற்கு சரியான காலமாகும். சரியான நிதி வாய்ப்புகளை பயன்படுத்திக் கொள்ளவும் இது வழிவகுக்கும். புதிய நிதியாண்டில் இதற்கு உதவக்கூடிய நிதி தீர்மானங்களை பார்க்கலாம்:
வரி சேமிப்பு: வரி சேமிப்பை தனியே மேற்கொள்வதையும், கடைசி நேர அவசரத்தில் மேற்கொள்வதையும் தவிர்க்க வேண்டும். இதற்கு வரி சேமிப்பை நிதி திட்டமிடலில் அங்கமாக்கி கொள்ள வேண்டும். வரி சேமிப்பிற்காக மட்டும் முதலீட்டை மேற்கொள்ளாமல், அவை நிதி இலக்குகளுக்கு பொருத்தமாகவும் இருப்பது முக்கியம்
காப்பீடு பாதுகாப்பு: போதுமான காப்பீடு இருக்கிறதா என்பதை உறுதி செய்து கொள்ள வேண்டும். ஆயுள் காப்பீடு, மருத்துவ காப்பீடு தேவைகள், வாழ்க்கை நிலைக்கு ஏற்ப மாறக்கூடியவை. இவை பொருத்தமாக இருக்கிறதா என ஆய்வு செய்து, தேவை எனில் காப்பீடு பாதுகாப்பை அதிகரிக்க வேண்டும்.
ரொக்க வரத்து நிர்வாகம்: உங்கள் ரொக்க வரத்தை சரியாகநிர்வகிப்பது மிகவும் முக்கியம். இது, உங்கள் வருமானம் மற்றும் செலவுகளை கண்காணிக்க உதவும். இரண்டையும் அறிந்திருப்பது சேமிப்பிலும், முதலீட்டிலும் உதவி செய்யும். செலவுகளை கண்காணித்தால் மட்டுமே வீண் செலவுகளை தவிர்ப்பது சாத்தியமாகும்.
முதலீடு ஆய்வு: சரியான முதலீடுகளை தேர்வு செய்வது போலவே, அவற்றை அடிக்கடி ஆய்வு செய்வதும் அவசியம். நீங்கள் செய்துள்ள முதலீடுகள் தரும் பலன், அவற்றுக்கான நிதி இலக்குகளுக்கு ஏற்ப அமைந்துள்ளனவா என்பதை அறிந்திருக்க வேண்டும். முதலீடுகள் தரும் பலனை ஆய்வு செய்வது இதற்கு உதவும்.
யூக முதலீடு: உடனடி பலனுக்காக குறுகிய கால முதலீடுகளை யூகத்தின் அடிப்படையில் மேற்கொள்வதை தவிர்க்க வேண்டும். இவை ரிஸ்க் மிகுந்தவை. நண்பர்கள் குறிப்பு அல்லது சந்தை போக்கு அடிப்படையிலான குறிப்பு அடிப்படையில் முதலீட்டு முடிவுகளை மேற்கொள்வதை தவிர்க்க வேண்டும்.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|