கச்சா எண்ணெய்


கச்சா எண்­ணெய், தொடர்ந்து, இரண்­டா­வது வார­மாக, விலை சரிந்து வர்த்­த­க­மாகி வரு­கிறது.
கடந்த வாரம், 1 பேர­லுக்கு, 4 டாலர் விலை சரிந்து, தற்­போது, 1 பேரல், 61.50 டாலர் என்ற நிலை­யில் வர்த்­த­க­மாகி வரு­கிறது. ஐரோப்­பிய ஒன்­றி­யம், ஜெர்­மனி மற்­றும் அமெ­ரிக்கா ஆகிய நாடு­களில், கடந்த வாரம் வெளி­யான பொரு­ளா­தார கார­ணி­யான, தொழில் துறை வளர்ச்சி குறி­யீடு, எதிர்­பார்த்­ததை விட சற்று குறை­வாக வந்­தது.



அமெ­ரிக்கா, சீனா ஆகிய நாடு­க­ளுக்கு இடை­யே­யான வர்த்­தக மோதல் குறித்த சம­ரச பேச்­சில், எந்­த­வித முன்­னேற்­ற­மும் ஏற்­ப­ட­வில்லை. இவ்­விரு கார­ணங்­க­ளால், பொரு­ளா­தார வளர்ச்சி மொத்­த­மாக மந்­த­ம­டை­யும் சூழல் ஏற்­படும் என, கரு­தப்­ப­டு­கிறது.இந்­நி­லை­யில், கச்சா எண்­ணெ­யின் தேவை குறை­யும் எனக் கரு­தி­ய­தன் கார­ண­மாக, விலை சரிவு நிகழ்ந்­தது.



வெனி­சுலா, ஈரான் ஆகிய நாடு­க­ளின் மீது, அமெ­ரிக்கா கொண்டு வந்த பொரு­ளா­தார தடை கார­ண­மாக, அந்­நாட்­டின் கச்சா எண்­ணெய் ஏற்­று­மதி பாதிப்­ப­டைந்து வரு­கிறது. மேலும், இந்த நாடு­களில் இருந்து கொள்­மு­தல் செய்­யும் நாடு­க­ளை­யும், அமெ­ரிக்கா எச்­ச­ரித்து வரு­கிறது.
இதை­ய­டுத்து, உற்­பத்தி குறைவு ஏற்­பட்­டுள்­ளது. மேலும், எண்­ணெய் உற்­பத்தி நாடு­க­ளின் கூட்­ட­மைப்­பான, ‘ஒபெக்’ உற்­பத்­தியை குறைத்து, விலை சரிவை கட்­டுப்­ப­டுத்த முயன்று வரு­கிறது.



இதற்­கி­டையே, அமெ­ரிக்­கா­வின், ஷெல் கச்சா எண்­ணெய் உற்­பத்தி அதி­க­ரித்து வரு­கிறது. அது மட்­டு­மின்றி, தற்­போது இந்­நாட்­டின் எண்­ணெய் இருப்பு அள­வும், இரண்டு ஆண்டு சரா­ச­ரிக்­கும் மேலாக உள்­ளது. இத்­த­கைய சூழல், கச்சா எண்­ணெய் விலை உயர்வை கட்­டுப்­ப­டுத்­தும் என எதிர்­பார்க்­கப்­ப­டு­கிறது.



கச்சா எண்­ணெய் வரத்து குறை­யும் என்று எதிர்­பார்த்து வந்த சூழ­லில், கடந்த வியா­ழன் அன்று, அமெ­ரிக்க எண்­ணெய் அமைச்­ச­கம் வெளி­யிட்­டுள்ள தக­வ­லில், உற்­பத்தி, 8 மில்­லி­யன் பேரல்­கள் உயர்ந்­துள்­ள­தாக குறிப்­பி­டப்­பட்­டுள்­ளது. இது, இரு மாத உச்­சம் என்­றும் தெரி­வித்­துள்­ளது.



சமீப கால­மாக, அமெ­ரிக்­கா­வின் எண்­ணெய் உற்­பத்தி அதி­க­ரித்து வரு­கிறது. ஷெல் எண்­ணெய் உற்­பத்­தி­யை­யும் சேர்த்து பார்க்­கும் போது, உலக அள­வில் கச்சா எண்­ணெய் உற்­பத்­தி­யில், முத­லி­டத்தை பிடித்­துள்­ளது அமெ­ரிக்கா. இரண்­டா­வ­தாக சவுதி அரே­பி­யா­வும், மூன்­றா­வ­தாக ரஷ்­யா­வும் உள்­ளது. அமெ­ரிக்­கா­வில் இயங்கி வரும் ஆழ்­கு­ழாய் கிண­று­க­ளின் எண்­ணிக்­கை­யும் தொடர்ந்து அதி­க­ரித்த வண்­ணம் உள்­ளது. தற்­போது, 892 குழாய்­கள் செயல்­பட்டு வரு­கின்­றன.



சவுதி அரே­பியா, ரஷ்யா, அமெ­ரிக்கா ஆகிய நாடு­க­ளி­லி­ருந்து உற்­பத்தி செய்­யப்­படும் கச்சா எண்­ணெய், ஒட்டு­மொத்த உல­கின் நுகர்வு தேவை­யில், 60 சத­வீ­தத்தை பூர்த்தி செய்­கிறது.
சவுதி அரே­பி­யா­வின் தின­சரி உற்­பத்தி, மே மாதத்­தில், 10 பில்­லி­யன் பேரல்­கள் ஆக இருக்­கும் என எதிர்­பார்க்­கப்­ப­டு­கிறது. இது, ஒபெக் ஒப்­பந்த குறைப்­பில், அந்­நாட்­டுக்கு கொடுக்­கப்­பட்­டுள்ள அள­வான, 10.3 பில்­லி­யன் பேரல்­கள் என்­பதை விட குறை­வா­கும்.


தங்கம் வெள்ளி



கடந்த வாரத்­தின் ஆரம்ப நாட்­களில், சர்­வ­தேச சந்­தை­யில், தங்­கம் மற்­றும் வெள்ளி ஆகி­யவை விலை குறைந்து வர்த்­த­கம் ஆன போதி­லும், வார இறுதி நாளான வெள்­ளி­யன்று, விலை அதி­க­ரித்து, வர்த்­த­கம் ஆனது.


மார்ச், 8ம் தேதிக்கு பின் ஏற்­பட்ட அதிக அள­வி­லான, ஒரு நாள் உயர்வு இதுவே ஆகும்.
கடந்த புதன்கிழமை அன்று, வட்டி விகித கொள்கை குறித்து நடை­பெற்ற, அமெ­ரிக்க மத்­திய வங்­கி­யின் கூட்­டத்­தில், வட்டி விகி­தம் உயர்த்­தப்­ப­ட­வில்லை என, அறி­விக்­கப்­பட்­டது.அடுத்து, அமெ­ரிக்­கா­வின், முக்­கிய பொரு­ளா­தார காரணி­களில் ஒன்­றான, விவ­சா­யம் சாராத அரசு துறை­களில், புதி­தாக பணி­யில் நிய­மிக்­கப்­பட்­ட­வர்­கள் எண்­ணிக்கை விப­ரம், கடந்த வாரம் வெளி­யா­னது.



அதில், எதிர்­பார்த்­ததை விட அதி­க­மா­ன­வர்­கள் நிய­மிக்­கப்­பட்­டி­ருந்­த­னர். ஒரு பக்­கம் பண­வீக்க விகி­தம் உயர்ந்து வரு­கிறது. இன்­னொரு பக்­கம், அமெ­ரிக்கா, சீனா ஆகிய நாடு­க­ளுக்கு இடை­யே­யான வர்த்­தக மோதல் போக்கு கார­ண­மாக, வரும் காலங்­களில் அரசு, வட்டி விகி­தத்தை உயர்த்த முடிவு எடுக்­கும் என்ற எண்­ணம் எழுந்­துள்­ளது.இது போன்ற கார­ணங்­க­ளால், தங்­கம் மற்­றும் வெள்ளி ஆகி­ய­வற்­றின் விலை, வார இறுதி நாளில் உயர்ந்து வர்த்த­கம் ஆனது.
ஐரோப்­பிய ஒன்­றி­யத்­தின் பொரு­ளா­தார வளர்ச்சி கடு­மை­யாக சரிந்­துள்­ளது.



இத­னால், முத­லீட்டு ஆர்­வம் தங்­கம் மீது அதி­க­ரித்­துள்­ளது. மேலும், கடந்த ஆண்­டில், உல­கில் உள்ள பெரும்­பா­லான நாடு­க­ளின் மத்­திய வங்­கி­கள், தங்­கம் கொள்­மு­தலை அதி­க­ரித்­துள்­ளன. இத­னால், விலை அதி­க­ரித்­தது.இருப்­பி­னும், இவ்­விலை உயர்வு கட்­டுக்­குள் கொண்டு வரப்­ப­ட­லாம்.



நாட்­டில், அட்­சய திரி­தியை பண்­டி­கையை ஒட்டி, முத­லீட்டு ஆர்­வம் மற்­றும் நுகர்­வோர் வாங்­கும் திற­னைப் பொறுத்து, இந்­நா­ளில் தங்­கத்­தின் கொள்­மு­தல் அமையும்.உலக தங்க கவுன்­சில் கருத்­துப்­படி, நடப்­பாண்­டின் முதல் காலாண்­டில், அதா­வது ஜன­வரி முதல் மார்ச் வரை­யி­லான கால­கட்­டத்­தில், இந்­தி­யா­வின் மொத்த தேவை, 5 சத­வீ­தம் உயர்ந்து, 189 டன் ஆக இருந்­தது. மேலும், நடப்பு ஆண்­டின் மொத்த இறக்­கு­மதி, 750 முதல், 800 டன்னாக இருக்­கும் என­வும் கணிக்­கப்­பட்­டுள்­ளது. கடந்த, 10 ஆண்­டு­களில் சரா­சரி தங்க இறக்­கு­ம­தி­யானது, 838டன்.


செம்பு



கடந்த சில வாரங்­க­ளா­கவே, செம்பு விலை குறைந்து வரு­கிறது. அமெ­ரிக்க நாண­யத்­தின் மதிப்பு உயர்ந்­தது, இதற்கு முக்­கி­ய­மான கார­ணங்­களில் ஒன்­றா­கும்.



சீனா, அமெ­ரிக்கா ஆகிய நாடு­க­ளுக்கு இடை­யே­யான வர்த்­தக மோதல் கார­ண­மாக, பொரு­ளா­தார வளர்ச்சி மற்­றும் ஏற்­று­மதி பாதிக்­கப்­பட்டு வரு­கிறது. இத­னால், செம்பு உள்­ளிட்ட தொழிற்­சாலை மூலப்­பொ­ருட்­க­ளான, இரும்பு, துத்­த­நா­கம், கார்­பன் போன்ற அனைத்­தும் விலை சரிந்து வர்த்­த­க­மாகி வரு­கிறது.


மேலும், லண்­டன் பொருள் வாணிப சந்­தை­யில், தொழிற்­சா­லை­க­ளின் குறி­யீட்டு எண் குறைந்­துள்­ளது. 2015ம் ஆண்­டுக்­குப் பிறகு முதன்­மு­றை­யாக, 3 சத­வீ­தத்­துக்கு மேல் குறைந்­துள்­ளது என்­பது குறிப்­பி­டத்­தக்­கது. செம்பு சுரங்­கத் தொழி­லா­ளர்­க­ளின் வேலை நிறுத்­தம் குறித்த பேச்­சில், சுமூ­க­மான உடன்­பாடு ஏற்­படும்; வேலை­நி­றுத்­தம் கைவி­டப்­பட்டு, இயல்பு நிலை திரும்­பும் என்­றும் எதிர்­பார்க்­கப்­பட்­டது. ஆனால், அசா­தா­ரண சூழல் வில­கா­த­தால், நுகர்வு தேவை குறை­யும் என்ற கருத்து, விலை சரி­வுக்கு கார­ண­மாக அமைந்­தது.



உல­கில், செம்பை அதிக அள­வில் தொழிற்­சா­லைக்கு பயன்­ப­டுத்­தும் நாடு சீனா­வா­கும். அந்­நாட்­டின் பொரு­ளா­தார வளர்ச்­சியை முன்­வைத்தே, பொருட்­க­ளின் விலை மதிப்பு நிர்­ண­யம் செய்­யப்­ப­டு­கிறது.தற்­போ­தைய சூழ­லில், சீனா­வின் மொத்த உள்­நாட்டு உற்­பத்தி வளர்ச்சி குறை­யும் என்ற அச்­சம் கார­ண­மாக, செம்பு விலை சரிந்து வரு­கிறது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மே 05,2019

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மே 05,2019

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மே 05,2019

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மே 05,2019

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மே 05,2019

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்