பதிவு செய்த நாள்
14 மே2019
00:59
புதுடில்லி:நாட்டில், பயணியர் வாகன விற்பனை, ஏப்ரல் மாதத்தில், 17.07 சதவீதம் அளவுக்கு குறைந்திருப்பதாக, இந்திய வாகன தயாரிப்பாளர்கள் கூட்டமைப்பான, ‘சியாம்’ தெரிவித்துள்ளது.இது குறித்து, இக்கூட்டமைப்பு மேலும் தெரிவித்திருப்பதாவது:கடந்த ஆண்டு ஏப்ரல் மாதத்தில், 2.98 லட்சம் பயணியர் வாகனங்கள் விற்பனை செய்யப்பட்டன.
ஆனால், நடப்பு ஆண்டு ஏப்ரல் மாதத்தில், 2.47 லட்சம் வாகனங்கள் மட்டுமே விற்பனை ஆகியுள்ளன.கார் விற்பனையை பொறுத்தவரை, ஏப்ரல் மாதத்தில், உள்நாட்டில், 1.60 லட்சம் கார்கள் விற்பனை செய்யப்பட்டு உள்ளன.இதுவே, கடந்த ஆண்டு இதே மாதத்தில், 2 லட்சம் கார்கள் விற்பனை செய்யப்பட்டிருந்தன, அதாவது நடப்பாண்டில், ஏப்ரல் மாதத்தில் கார் விற்பனை, 19.93 சதவீதம் சரிவை சந்தித்துள்ளது.
மோட்டார் சைக்கிள் விற்பனை, கடந்த மாதத்தில், 11.81 சதவீதம் சரிவை சந்தித்துள்ளது. கடந்த ஆண்டு ஏப்ரல் மாதத்தில், 12.30 லட்சம் மோட்டார் சைக்கிள்கள் விற்பனை செய்யப்பட்டிருந்த நிலையில், நடப்பாண்டு ஏப்ரலில், 10.84 லட்சம் மோட்டார் சைக்கிள்கள் மட்டுமே விற்பனையாகின.மொத்த இருசக்கர வாகனங்களின் ஏப்ரல் மாத விற்பனை, 16.36 சதவீதம் சரிந்து, 16.38 லட்சமாக உள்ளது.
இதுவே, இதற்கு முந்தைய ஆண்டில், இதே மாதத்தில் விற்பனை, 19.58 லட்சமாக இருந்தது குறிப்பிடத்தக்கது.வர்த்தக வாகனங்கள் விற்பனை, 5.98 சதவீதம் அளவுக்கு சரிந்து, 68 ஆயிரத்து, 680 வாகனங்கள் விற்பனையாகின.இவ்வாறு, சியாம் அமைப்பு தெரிவித்து உள்ளது.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|