பதிவு செய்த நாள்
08 ஜூலை2019
00:17
இந்திய
பங்குச் சந்தைகள், இம்மாத ஆரம்பத்தில் உயர்ந்து வர்த்தகமாகி,
வரலாற்று உச்சத்தை எட்டியது குறிப்பிடத்தக்கது. தேசிய பங்குச்
சந்தை குறியீட்டு எண், நிப்டி, 12 ஆயிரம் புள்ளிகளைத் தாண்டி, 12,102
என்ற உயர்வை எட்டி இருந்தது. மும்பை பங்குச் சந்தை குறியீட்டு எண்,
சென்செக்ஸ், 40 ஆயிரம் புள்ளிகளைத் தாண்டி, வரலாற்று உச்சத்தை எட்டியிருந்தது குறிப்பிடத்தக்கது.
கடந்த
வாரத்தைப் பொறுத்தவரை, வார ஆரம்ப நாட்களில், சற்று அதிகரித்து,
வர்த்தகம் ஆனது. வார இறுதி நாளான வெள்ளியன்று, புதிய மத்திய அரசின்,
முழு பட்ஜெட் தாக்கல் செய்யப்பட்டது. பட்ஜெட் உரை துவங்கிய முதலே, பங்குச் சந்தைகள் சரிய ஆரம்பித்தன.
பட்ஜெட்
அறிவிப்பில் வெளியான சில சீர்திருத்த முறைகளால் சரிவு ஏற்பட்டது.
குறிப்பாக, வெளிநாட்டு முதலீட்டாளர்களுக்கு கொண்டு வரப்பட்ட
கட்டுப்பாடுகள், நிறுவன பங்குகளில், குறைந்தபட்சம், 35 சதவீதம்
பொதுமக்களிடம் இருக்க வேண்டும் என்ற கட்டுப்பாடு, எதிர்பார்த்த
துறைகளில் பெரிய அறிவிப்புகள் வெளியாகாதது ஆகியவற்றால்,
முதலீட்டாளர்கள் மத்தியில் நம்பிக்கையை பெற முடியாமல், பங்குச்சந்தைகள் சரிந்தன.
பொதுத்
துறை வங்கி நிறுவன பங்குகள், விலை உயர்ந்திருந்த போதிலும், அவை
மீண்டும் சரிந்து வர்த்தகம் ஆகின. யெஸ் பேங்க், என்.டி.எப்.சி.,
வேதாந்தா, மகிந்திரா அண்டு மகிந்திரா, சன் பார்மா போன்ற நிறுவன பங்குகள் கடுமையான சரிவை சந்தித்தன.அமெரிக்காவில்,
புதிதாக பணியில் அமர்த்தப்படுவோர் எண்ணிக்கை, கடந்த மே மாதத்தை
விட, ஜூன் மாதத்தில் அதிகரித்து இருந்தது. இதனால், அமெரிக்க நாணய
குறியீடு உயர்ந்து, பங்குச் சந்தைகள் உயர வழிவகுத்தது.
பொதுத்துறை
நிறுவனங்களுக்கு, மூலதன முதலீடாக, மத்திய அரசு, 70 ஆயிரம் கோடி
ரூபாய் அறிவித்துள்ளது. தங்கம் மீதான இறக்குமதி வரி விதிப்பை
அதிகரித்ததன் காரணமாக, நாட்டின் இறக்குமதி சுமை குறைந்து, நடப்பு
கணக்கு பற்றாக்குறை நிர்ணயித்த அளவில் கட்டுப்படுத்தப்படும் என்ற
அறிவிப்பும் வெளியானது.இதன் காரணமாக, இத்துறை சார்ந்த பங்குகளின் விலையில், 4 முதல், 12 சதவீதம் சரிவு ஏற்பட்டது.
இந்த
ஆண்டின் ஜனவரி முதல், ஜூன் வரையிலான கால கட்டத்தில், பயணியர்
மற்றும் கனரக வாகனங்கள் விற்பனை கடுமையாக சரிந்துள்ளது. இதனால்
முன்னணி நிறுவனங்கள், தங்களது உற்பத்தியை, கடந்த இரு மாதங்களாக
குறைத்துக் கொண்டுள்ளன. மேலும், விற்பனை செய்யப்படாத அதிக அளவிலான
இருப்புகள் உள்ளதால், இத்துறை சார்ந்த பங்குகள் எந்த ஒரு
வளர்ச்சியும் பெறாத நிலையில், தற்போது வர்த்தகமாகி வருகின்றன.இந்த வாரம் நிப்டியை பொறுத்தவரை, அதன் சப்போர்ட், 11755 மற்றும் 11680; ரெசிஸ்டென்ஸ்,
11845, 11900.
முருகேஷ் குமார்
murukesh.kumar@choiceindia.com
மேலும் பங்கு வர்த்தகம் செய்திகள்
|
Advertisement
|
Advertisement
|
Advertisement
|
|
|
|