பதிவு செய்த நாள்
01 ஆக2019
23:51
புதுடில்லி:மாருதி சுசூகி நிறுவனத்தின், ஜூலை மாத விற்பனை, 33 சதவீதம் அளவுக்கு சரிவை சந்தித்துள்ளது.
நாட்டின் மிகப் பெரிய வாகன தயாரிப்புநிறுவனமான, மாருதி சுசூகி, ஜூலை மாதத்தில், மொத்தம், 1 லட்சத்து, 9 ஆயிரத்து, 264 வாகனங்களை விற்பனை செய்துள்ளது. கடந்த ஆண்டு, ஜூலை மாதத்தில், மொத்தம், 1 லட்சத்து, 64 ஆயிரத்து, 369 வாகனங்களை விற்பனை செய்திருந்தது. இதையடுத்து, மொத்த விற்பனையில், 33 சதவீத சரிவைக் கண்டுள்ளது.
உள்நாட்டு விற்பனையைப் பொருத்தவரை, 36.3 சதவீதம் சரிவு ஏற்பட்டுள்ளது. உள்நாட்டில், மொத்தம், 98 ஆயிரத்து, 210 வாகனங்கள் விற்பனை ஆகியுள்ளன. இதுவே, கடந்த ஆண்டு, இதே மாதத்தில், 1 லட்சத்து, 54 ஆயிரத்து, 150 வாகனங்கள் விற்பனை ஆகியிருந்தன.சிறிய ரக கார்களான, ஆல்ட்டோ, வேகன் ஆர் ஆகிய வாகனங்களின் விற்பனை, 69.3 சதவீதம் சரிவு கண்டுள்ளது.
காம்பாக்ட் ரக கார்கள் பிரிவில் செலிரியோ, சுவிப்ட், பலேனோ, டிசையர் உள்ளிட்ட கார்கள் விற்பனையில், 22.7 சதவீதமும், பன்முக பயன்பாட்டு வாகனங்கள் பிரிவு விற்பனையில், 38.1 சதவீதமும் சரிவு ஏற்பட்டுள்ளது.ஏற்றுமதியும் 9.4 சதவீதம் சரிவு கண்டுள்ளது. கடந்த ஜூலை மாதத்தில், 9 ஆயிரத்து, 258 வாகனங்கள் ஏற்றுமதி செய்யப்பட்டுள்ளன. கடந்த ஆண்டு இதே மாதத்தில், 10 ஆயிரத்து, 219வாகனங்கள் ஏற்றுமதி ஆகியிருந்தன.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|