புதுடில்லி: பங்குச் சந்தைகளில் அதிகளவிலான ஏற்ற, இறக்கங்கள் இருந்த நிலையிலும், மியூச்சுவல் பண்டு துறையில், எஸ்.ஐ.பி., எனும் தவணை திட்டத்தில் செய்யப்படும் முதலீடுகள், பிப்ரவரி மாதத்தில் அதிகரித்துள்ளன.

இது குறித்து, மியூச்சுவல் பண்டு நிறுவனங்களின் கூட்டமைப்பான, ‘ஆம்பி’ தெரிவித்துள்ள தாவது:கடந்த பிப்ரவரி மாதத்தில், எஸ்.ஐ.பி., முறையில், 8,513 கோடி ரூபாய்க்கு முதலீடுகள் மேற்கொள்ளப்பட்டுள்ளன.இது, கடந்த ஆண்டின், இதே பிப்ரவரி மாதத்துடன் ஒப்பிடும்போது, 5.2 சதவீதம் அதிகமாகும்.

இம்மாதத்தில், 8,095 கோடி ரூபாய் முதலீடு செய்யப்பட்டிருந்தது.கொரோனா வைரஸ் அச்சம் காரணமாக, பங்குச் சந்தைகளில், அதிக ஏற்ற, இறக்கங்கள் இருந்த நிலையிலும், எஸ்.ஐ.பி., மூலமான முதலீடுகள் அதிகரித்திருப்பது குறிப்பிடத்தக்கதாகும்.நடப்பு நிதியாண்டின் முதல், 11 மாதங்களில், எஸ்.ஐ.பி., மூலமாக செய்யப்பட்ட முதலீடு, 91 ஆயிரத்து, 443 கோடி ரூபாய்.

இதுவே, கடந்த நிதியாண்டின் இதே காலகட்டத்தில், 84 ஆயிரத்து, 638 கோடி ரூபாய், இத்திட்டத்தின் மூலம் முதலீடு செய்யப்பட்டிருந்தது.பங்குச் சந்தை அபாயங்களை தவிர்க்கும் வகையில், சில்லரை முதலீட்டாளர்களின் முக்கிய தேர்வாக, எஸ்.ஐ.பி., முறை இருக்கிறது.இருப்பினும், கடந்த ஜனவரி மாதத்துடன் ஒப்பிடும்போது, பிப்ரவரியில், முதலீடு சற்று குறைவாகவே உள்ளது. கடந்த ஜனவரி மாதத்தில், 8,532 கோடி ரூபாய் முதலீடு செய்யப்பட்டிருந்தது.மேலும், டிசம்பர் மாதத்தில், 8,518 கோடி ரூபாயும், நவம்பர் மாதத்தில், 8,273 கோடி ரூபாயும், எஸ்.ஐ.பி., முறையில் முதலீடு செய்யப்பட்டிருந்தது.பிப்ரவரி வரையிலான, கடந்த, 12 மாதங்களில், சராசரியாக, 8,200 கோடி ரூபாய் முதலீடு செய்யப்பட்டுள்ளது.

இவை ஒருபுறமிருக்க, ஒட்டுமொத்த மியூச்சுவல் பண்டு திட்டங்களின் சொத்து மதிப்பு, கடந்த ஜனவரி மாதத்தில், 27.86 லட்சம் கோடி ரூபாயாக இருந்தது. இது, பிப்ரவரி இறுதியில், 27.23 லட்சம் கோடி ரூபாயாக சரிந்துவிட்டது.இவ்வாறு, ஆம்பிதெரிவித்துள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மார்ச் 19,2020

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மார்ச் 19,2020

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மார்ச் 19,2020

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மார்ச் 19,2020

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மார்ச் 19,2020

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்