பதிவு செய்த நாள்
03 பிப்2021
21:36
புதுடில்லி:வெளிநாட்டு மின்னணு வர்த்தக நிறுவனங்களுக்கு, 2 சதவீத சமநிலை வரி விதிப்பது, பாகுபாடு காட்டுவதாக இருப்பதாக, யு.எஸ்.டி.ஆர்., எனும், ‘அமெரிக்க வர்த்தக பிரதிநிதிகள்’ அறிக்கை கூறியுள்ளது. ஆனால், இதை ஏற்க இயலாது என, இந்தியா தெரிவித்துள்ளது.
கடந்த மாதம், யு.எஸ்.டி.ஆர்., விசாரணையில், மின்னணு வர்த்தக வினியோகத்தின் மீது, இந்தியா, 2 சதவீத டிஜிட்டல் சேவை வரி விதிப்பது, அமெரிக்க நிறுவனங்களிடம் பாகுபாடு காட்டுவதாக இருக்கிறது. இது, சர்வதேச வரி கொள்கைகளுக்கு முரணானது என தெரிவிக்கப்பட்டது. ஆனால், இந்த அறிக்கையின் கருத்தை ஏற்க இயலாது என, வர்த்தக துறை செயலர் அனுப் வாதவன் கூறியுள்ளார்.
அவர் மேலும் கூறியதாவது:உங்களுக்கு குறிப்பிட்ட ஒரு பகுதியில், லட்சக்கணக்கான டாலர் வருவாய் கிடைக்கிறது எனில், அங்கு விதிகளுக்கு கட்டுப்பட்டு வரி செலுத்தி ஆக வேண்டும். தற்போது, இரு நாடுகளும் வர்த்தக உறவை மேம்படுத்தும் முயற்சியில் உள்ளன. இவ்வாறு அவர் கூறினார்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|