எல்லாருக்கும் நிதி தேவைகள் இருக்கின்றன. இந்த நிதி தேவைகள் எளிமையாகவும் இருக்கலாம், சிக்கலானதாகவும் இருக்கலாம். நிதி தேவைகள் எப்படி இருந்தாலும், அவற்றை நிறைவேற்றிக்கொள்ள தெளிவான இலக்கு மற்றும் அதற்கான திட்டமிடலும் அவசியம்.


குறிப்பிட்ட காலத்திற்குள் அடைவதற்கான செயல்கள் நிதி இலக்குகளாக கொள்ளப் படுகின்றன. நிதி இலக்குகளை வகுத்துக் கொள்வது, நிதி தேவைகளை நிறைவேற்றிக் கொள்வது மற்றும் எதிர்கால நிதி பாதுகாப்பிற்கு வழிவகுக்கும். உங்களுக்கான நிதி இலக்குகளை அமைத்துக் கொள்வதற்கான வழிகள் இதோ:

பல வகை இலக்குகள்:


நிதி இலக்குகள் தனிப்பட்டதாக இருக்கலாம், குடும்பம் சார்ந்ததாக இருக்கலாம். சொந்த வீடு வாங்குவது முதல், சொந்த பைக் வாங்குவது வரை எல்லாமே இலக்குகள் தான். இவற்றில் குறுகிய, நடுத்தர, நீண்ட கால இலக்குகள் உண்டு. இலக்குகள், குறிப்பிட்ட நோக்கம் கொண்டதாகவும், அடையக்கூடிய வகையிலும் இருக்க வேண்டும்.


முதலீடு:


இலக்குகளை தீர்மானித்ததும், அவற்றை அடைவதற்கான முதலீட்டு பாதையை தேர்வு செய்ய வேண்டும். நீண்ட கால இலக்கு எனில், செல்வ வளத்தை உருவாக்கக்கூடிய முதலீட்டை நாட வேண்டும். முதலீட்டின் இடர் தன்மை, வரி விதிப்பு மற்றும் கால அளவையும் பரிசீலிக்க வேண்டும்.


காப்பீடு:


நிதி இலக்குகளை தீர்மானிக்கும் போது, காப்பீடு பாதுகாப்பை மறந்துவிடக் கூடாது. ஒவ்வொருவரும் போதுமான ஆயுள் மற்றும் மருத்துவ காப்பீட்டை பெற்றிருக்க வேண்டும். ஒருவரின் வயது, கடன், சேமிப்பு, நிதி பொறுப்புகள் ஆகியவற்றின் அடிப்படையில் காப்பீடு அளவை தீர்மானிக்க வேண்டும்.


வரி திட்டமிடல்:


நிதி இலக்குகளை அடைய முதலீடு செய்யும் போது, முதலீடுகள் செயல்பாடுகளை தொடர்ந்து கண்காணிக்க வேண்டும். முதலீடு சரியான பலனை அளிக்கிறதா என பார்ப்பதோடு, அவற்றின் வரி விதிப்பு அம்சங்களையும் மனதில் கொள்ள வேண்டும். வரி சேமிப்பு அளிக்கும் முதலீடுகள், கூடுதல் பலன் கொடுக்கும்.


ஓய்வு காலம்:


நிதி இலக்குகளில் ஓய்வு காலத்திற்கான இலக்கு நீண்ட கால நோக்கிலானது. இதற்கான திட்டமிடல் மற்றும் முதலீட்டை இயன்றவரை முன்கூட்டியே துவக்குவது நல்லது. ஓய்வு காலத்தில் தேவைப்படக்கூடிய தொகையை கணக்கிட்டு, அதற்கேற்ப இலக்கை தீர்மானித்து செயல்பட வேண்டும்.

மேலும் வங்கி மற்றும் நிதி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஆகஸ்ட் 08,2021

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஆகஸ்ட் 08,2021

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஆகஸ்ட் 08,2021

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஆகஸ்ட் 08,2021

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஆகஸ்ட் 08,2021

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்