புதுடில்லி:‘பேடிஎம் இன்சூர்டெக்’ நிறுவனத்தின், 23 சதவீத பங்குகளை, சுவிட்சர்லாந்தின் ‘சுவிஸ் ரே’ நிறுவனம், 920 கோடி ரூபாய்க்கு வாங்க உள்ளது.

ஐரோப்பிய நாடான ஸ்விட்சர்லாந்தின் ஜூரிச் நகரை தலைமையிடமாக வைத்து, சுவிஸ் ரே என்ற மறுகாப்பீட்டு நிறுவனம் இயங்கி வருகிறது. இந்த நிறுவனம், ‘டிஜிட்டல்’ பணப் பரிவர்த்தனை மற்றும் நிதி சார்ந்த சேவைகளை வழங்கி வரும் பேடிஎம் நிறுவனத்தின் காப்பீட்டு பிரிவான ‘பேடிஎம்’ இன்சூர்டெக் பி.ஐ.டி., நிறுவனத்தின் பங்குகளை விலைக்கு வாங்க உள்ளது.

அதன்படி, சுவிஸ் ரே நிறுவனத்திற்கு, தன் 23 சதவீத பங்குகளை விற்க, பேடிஎம் இன்சூர்டெக் நிறுவனம் முடிவு செய்துள்ளது.இது குறித்து பேடிஎம் நிறுவனம் வெளியிட்ட அறிக்கையில் கூறப்பட்டுள்ளதாவது:பேடிஎம் இன்சூர்டெக் பி.ஐ.டி., நிறுவனத்தின் 23 சதவீத பங்குகளை வாங்க, சுவிஸ் ரே நிறுவனம் 920 கோடி ரூபாயை முதலீடு செய்ய உள்ளது.இவ்வாறு அதில் கூறப்பட்டுள்ளது.

இந்த முதலீடு வாயிலாக, சந்தையில் காப்பீட்டு பாதுகாப்பில் உள்ள இடைவெளியை அடைக்க, இந்த இரண்டு நிறுவனங்களும் இணைந்து பணியாற்றும் என நிபுணர்கள் கருதுகின்றனர்.

பேடிஎம் தலைவர் விஜய் சேகர் சர்மா கூறுகையில், “முக்கிய முதலீட்டாளரான சுவிஸ் ரே நிறுவனத்துடன் இணைந்து பணியாற்ற ஆவலுடன் காத்திருக்கிறோம். எங்கள் நிதி சேவைகளுக்கான பயணத்தில், இது ஒரு முக்கிய மைல் கல்லாகும்,” என்றார்.

மேலும் பங்கு வர்த்தகம் செய்திகள்

‘ஹிந்துஸ்தான் ஜிங்க்’ பங்குகள்அனைத்தையும் அரசு விற்கிறது அக்டோபர் 27,2021

புதுடில்லி,-–‘ஹிந்துஸ்தான் ஜிங்க்’ நிறுவனத்தின் அனைத்து பங்குகளையும் விற்க, மத்திய அரசு முடிவு ... மேலும்

8 சதவீத சரிவுடன் பங்குச்சந்தைகளில் பட்டியலானது எல்.ஐ.சி., பங்குகள்! அக்டோபர் 27,2021

மும்பை: மும்பை மற்றும் தேசிய பங்குச் சந்தைகளில் இன்று பட்டியலிடப்பட்ட எல்.ஐ.சி.,யின் பங்குகள் தொடக்கத்தில் 8 ... மேலும்

இன்று பட்டியலிடப்படும் எல்.ஐ.சி., பங்குகள்; மிகுந்த எதிர்பார்ப்பில் புதிய ... அக்டோபர் 27,2021

புதுடில்லி : பொதுத் துறையைச் சேர்ந்த ஆயுள் காப்பீட்டு நிறுவனமான எல்.ஐ.சி., அதன் பங்குகளை இன்று பங்குச் ... மேலும்

எல்.ஐ.சி., பங்குகள் 'லிஸ்டிங்' பலன் எப்படி இருக்கும்? அக்டோபர் 27,2021

எல்.ஐ.சி., பங்குகள் பட்டியலிடப்படும் போது அதன் செயல்பாடு எப்படி இருக்கும் என்பது தொடர்பான எதிர்பார்ப்பு ... மேலும்

‘இதாஸ்’ பங்கு வெளியீடு 18ம் தேதி துவங்குகிறது அக்டோபர் 27,2021

புதுடில்லி:ஆடம்பர வாட்சுகள் விற்பனையில் ஈடுபட்டு உள்ள ‘இதாஸ்’ நிறுவனத்தின் புதிய பங்கு வெளியீடு, 18ம் ... மேலும்