பதிவு செய்த நாள்
29 அக்2021
22:42
சென்னை:‘டால்பி விஷன், டால்பி அட்மோஸ்’ வசதிகளை உள்ளடக்கிய ‘பிலிப்ஸ் 4 கே யு.எச்.டி., – எல்.இ.டி., ஆண்ட்ராய்டு டிவி’கள் அறிமுகம் செய்யப்பட்டுள்ளன.
இதன் வாயிலாக, டி.பி.வி.டெக்னாலஜி நிறுவனம், ‘ஸ்மார்ட் டிவி’ பிரிவை வலுப்படுத்த திட்டமிட்டுள்ளது. இந்தியாவில், ‘டிவி’ விற்பனை சிறப்பான முறையில் அதிகரித்து வருகிறது. கொரோனா தொற்றுக்கு பின், பொருளாதாரம் முன்னேற்ற பாதையில் செல்வதை அடுத்து, நடப்பு நிதியாண்டின் இரண்டாவது காலாண்டில், ‘டிவி’ விற்பனை 46 சதவீதம் வளர்ச்சி அடைந்துள்ளது.
ஒட்டுமொத்த ‘டிவி’ சந்தையில், ‘ஸ்மார்ட் டிவி’யின் பங்கு 80 சதவீதமாக உள்ளது. இதனால், ‘டிவி’ தயாரிப்பு நிறுவனங்கள், ‘ஸ்மார்ட் டிவி’களை அதிகம் தயாரித்து வருகின்றன.இதைத் தொடர்ந்து, டி.பி.வி., டெக்னாலஜி நிறுவனம், ‘டால்பி விஷன், டால்பி ஆட்மோஸ்’ கொண்ட பிலிப்சின் 4 கே யு.எச்.டி., – எல்.இ.டி., ஆண்ட்ராய்டு ‘டிவி’களை அறிமுகம் செய்துள்ளது.
பிலிப்ஸ் –- 8100 ‘டிவி’ சீரிஸ்கள், 55, 50, 43 திரை அளவுகளில் கிடைக்கின்றன. அவற்றின் விலை முறையே 89 ஆயிரத்து 990 ரூபாய்; 79 ஆயிரத்து 990 ரூபாய்; 59 ஆயிரத்து 990 ரூபாயாக உள்ளன.
இது குறித்து, டி.பி.வி., டெக்னாலஜி இந்தியா தலைவர் ஷைலேஷ் பிரபு கூறியதாவது: புதுமைகளை வழங்கும் பிலிப்ஸ் ‘டிவி’யில் உள்ள, ‘ஆண்ட்ராய்டு 10 ஓ.எஸ்., டால்பி விஷன், டால்பி அட்மோஸ்’ போன்ற அம்சங்கள், வாடிக்கையாளர்களுக்கு தியேட்டர் அனுபவத்தை வீட்டிற்கு கொண்டு வரும்.இவ்வாறு அவர் கூறினார்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|