எல்.ஐ.சி.,க்கு அனுமதி கிடைத்தது
எல்.ஐ.சி., நிறுவனம், தனியார் துறை வங்கியான ‘இண்டஸ் இண்ட் பேங்க்’ பங்குகளை 10 சதவீதம் வரை வைத்துக் கொள்வதற்கு, ரிசர்வ் வங்கி அனுமதி வழங்கி உள்ளது.தற்போது, எல்.ஐ.சி., நிறுவனத்தின் வசம், இண்டஸ் இண்ட் பேங்கின் 4.95 சதவீத பங்குகள் உள்ளன. இதை இனி, 10 சதவீதம் அளவுக்கு உயர்த்திக் கொள்ள முடியும்.
வளர்ச்சி மேலும் நீடிக்கும்
நாட்டின் தற்போதைய வளர்ச்சி மேலும் நீடிக்கும் என்றும், அடுத்த நிதியாண்டில் மொத்த உள்நாட்டு உற்பத்தி வளர்ச்சி 9 சதவீதமாக உயரும் என்றும், சுவிட்சர்லாந்து தரகு நிறுவனமான ‘கிரெடிட் சூசி’ தெரிவித்துள்ளது.நடப்பு நிதியாண்டிலும் கூட வளர்ச்சி 8.4-9.5 சதவீதமாக இருக்கும் என்ற ஒருமித்த கணிப்பை காட்டிலும் அதிகமாகவே இருக்க வாய்ப்பிருப்பதாகவும் அது தெரிவித்துள்ளது.
பங்கு சார்ந்த பண்டுகள்
கடந்த நவம்பரில் பங்கு சார்ந்த மியூச்சுவல் பண்டுகளில் முதலீடு, கடந்த நான்கு மாதங்களில் இல்லாத அளவுக்கு அதிகரித்து உள்ளது. இப்பிரிவில் இம்மாதத்தில் மொத்தம் 11 ஆயிரத்து 615 கோடி ரூபாய் அளவுக்கு முதலீடுகள் மேற்கொள்ளப்பட்டுள்ளன. இந்த உயர்வுக்கு, மாதாந்திர தவணை முதலீட்டு முறையான எஸ்.ஐ.பி., வாயிலாக செய்யப்பட்ட முதலீடுகள் அதிகரித்ததும் ஒரு காரணம்.
காலக்கெடு நீட்டிப்பு
‘கூகுள்’ நிறுவனம், அதன் ‘பிளே ஸ்டோர்’ பில்லிங் சிஸ்டத்தை ஏற்பதற்கான காலக்கெடுவை, அடுத்த ஆண்டு மார்ச் 31லிருந்து, அக்டோபர் 31ம் தேதியாக நீட்டித்துள்ளதாக அறிவித்துள்ளது. பிளே ஸ்டோரில், ‘டிஜிட்டல்’ பொருட்களை விற்பனை செய்யும் செயலிகள், கூகுளின் பில்லிங் சிஸ்டத்தையே பயன்படுத்த வேண்டும் என்று கூகுள் தெரிவித்திருந்த நிலையில், காலக்கெடு அதிகரிக்கப்பட்டுள்ளது.
தொழில் துறை உற்பத்தி வளர்ச்சி
நாட்டின் தொழில் துறை உற்பத்தி குறியீடு, கடந்த அக்டோபரில் 3.2 சதவீத வளர்ச்சியை கண்டுள்ளதாக, மத்திய புள்ளியியல் அலுவலகம் தெரிவித்துள்ளது. கடந்த ஏப்ரல் முதல் அக்டோபர் வரையிலான காலத்தில், தொழில் துறை உற்பத்தி 20 சதவீதம் வளர்ச்சி கண்டுள்ளது என்றும் தெரிவிக்கப்பட்டுள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு டிசம்பர் 10,2021

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் டிசம்பர் 10,2021

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது டிசம்பர் 10,2021

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி டிசம்பர் 10,2021

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு டிசம்பர் 10,2021

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்