பதிவு செய்த நாள்
20 டிச2021
16:21
உயர்தர வாடிக்கையாளர் அனுபவத்தை வழங்குதல் மற்றும் பல்வகைக் கேமரா மற்றும் லென்ஸ்களைக் காட்சிப்படுத்தும் முனைவுகளுக்காகக் கேனன் நிறுவனம் ‘கேப்சர் – தி ஹார்ட் ஆப் ஆக்ஷன்’ என்னும் நிகழ்ச்சியை கோவையில் நடத்தியது. இதற்கு முன்பு ஐதராபாத் மற்றும் கொச்சியில் கேனன் இதே நிகழ்ச்சியை வெற்றிகரமாக நடத்தி முடித்தது. நேரடி அனுபவத்தைப் பெறும் வகையில் பிரத்யேகமாக நடைபெற்ற நிகழ்ச்சியில் கேனன் நிறுவனத்தின் மிரர்லெஸ் கேமராக்கள், சினிமா கேமராக்கள், ஆர்எஃப் லென்ஸ்கள் மற்றும் சமீபத்திய அறிமுகமான இஓஎஸ் ஆர்3 கேமராக்கள் மற்றும் புரட்சிகரமான வெர்சுவல் ரியாலிடி லென்ஸ்கள் ஆகியவை காட்சிப்படுத்தப்பட்டன. பிரபல நிழற்படக் கலைஞர்களான ஜான் எட்வர்ட்ஸ் மற்றும் தனபாலன் ஆறுமுகம் ஆகியோர் நிகழ்ச்சியில் பங்கேற்றுச் சிறப்பித்தனர்.
இந்த கண்காட்சி குறித்து, கேனன் இந்தியா, நுகர்வோர் சிஸ்டம் பொருள்கள் & இமேஜிங்க் கம்யூனிகேஷன் பிசினஸ் இயக்குனர் சி.சுகுமாரன் கூறுகையில் ‘கடந்த பல ஆண்டுகளாக நிழற்படத் துறையில் சமீபத்திய தொழில்நுட்பக் கண்டுபிடிப்புகளை அறிமுகப்படுத்துவதில் கேனன் பெருமிதம் கொள்கிறது. தெற்குச் சந்தையிலுள்ள வாடிக்கையாளர்களிடமிருந்து எங்களுக்கு அபரிமித வரவேற்பு கிடைத்து வருகிறது. அவர்களின் வளரும் தேவைகளை நிறைவு செய்ய ‘கேப்சர்’ நிகழ்ச்சியைத் தொடங்கினோம். இத்தொடர் நிகழ்ச்சிகள் மூலம், பல்வேறு துறைகளுக்கான எங்களது மிரர்லெஸ் பொருள்களைக் காட்சிப்படுத்துவதுடன், உண்மையான வாழ்க்கைச் சூழலமைவில் அப்பொருள்களை அனுபவிக்கவும் வாய்ப்பையும் வாடிக்கையாளர்களுக்கு வழங்குகிறோம். கூடுதலாக, வி ஆர் மண்டலங்களில் எங்களது ஆர்எஃப்5.2 எம்எம், எஃப்2.8 எல் ட்யூயல் வெர்சுவல் ரியாலிடி லென்ஸ்களை அறிமுகப்படுத்துவதிலும் மகிழ்ச்சி அடைகிறோம். இதன் மூலம் முன்னெப்போதும் இல்லாத சிறப்பான அனுபவங்களை வழங்கவும் காத்திருக்கிறோம்’ என்றார்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|