மும்பை : ‘ஆர்.பி.எல்., வங்கியின் நிதி நிலவரம் திருப்திகரமாக உள்ளதால், வாடிக்கையாளர்கள் வதந்தியை நம்ப வேண்டாம்’ என, ரிசர்வ் வங்கி தெரிவித்துள்ளது.

மும்பையைச் சேர்ந்த, ஆர்.பி.எல்., எனப்படும் ரத்னாகர் வங்கியின் நிர்வாக இயக்குனரும், தலைமை செயல் அதிகாரியுமான விஷாவிர் அஹூஜா, திடீரென பதவி விலகினார்.அவர், ரிசர்வ் வங்கி உத்தரவுப்படி விலகியதாக தகவல் கசிந்தது. இதையடுத்து, வங்கியின் இடைக்கால நிர்வாக இயக்குனர் மற்றும் தலைமை செயல் அதிகாரியாக, ராஜிவ் அஹூஜாவை, ரிசர்வ் வங்கி நியமித்தது. அத்துடன், வங்கியின் நிர்வாகக் குழுவில் கூடுதல் இயக்குனராக, ரிசர்வ் வங்கியின் தலைமை பொது மேலாளர் யோகேஷ் தயாள் நியமிக்கப்பட்டார்.

‘ஆர்.பி.எல்., வங்கியின் நிதி நிலவரம் சரியில்லாததே ரிசர்வ் வங்கியின் நடவடிக்கைக்கு காரணம்’ என, ஊடகங்களில் தகவல் வெளியானது. இதையடுத்து, ஆர்.பி.எல்., வங்கி வாடிக்கையாளர்கள் அச்சமடைந்து, முதலீடுகளை திரும்பப் பெறத் துவங்கினர்.

இந்நிலையில், ரிசர்வ் வங்கி நேற்று வெளியிட்ட அறிக்கை:
ஆர்.பி.எல்., வங்கியின் மூலதனம் மற்றும் நிதி நிலவரம் திருப்திகரமாக உள்ளது. கடந்த செப்., உடன் முடிந்த அரையாண்டில், வங்கியின் மூலதன இருப்பு விகிதம், 16.33 சதவீதம்; ஒதுக்கீட்டு விகிதம், 76.6 சதவீதம் என, போதிய அளவிற்கு உள்ளது.பணப்புழக்க விகிதம், ரிசர்வ் வங்கியால் நிர்ணயிக்கப்பட்டதை விட, 53 சதவீதம் அதிகமாக உள்ளது. எனவே, ஆர்.பி.எல்., வங்கி குறித்த யூகச் செய்திகளை நம்பி, எத்தகைய முடிவையும் முதலீட்டாளர்கள் எடுக்க வேண்டாம்.வங்கி நிர்வாகத்திற்கு கூடுதல் வலு சேர்க்கவே புதிய இயக்குனர் நியமிக்கப்பட்டுள்ளார்.

இவ்வாறு அறிக்கையில் கூறப்பட்டுள்ளது.

மேலும் வங்கி மற்றும் நிதி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு டிசம்பர் 28,2021

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் டிசம்பர் 28,2021

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது டிசம்பர் 28,2021

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி டிசம்பர் 28,2021

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு டிசம்பர் 28,2021

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்