பதிவு செய்த நாள்
01 ஜன2022
19:42
புதுடில்லி:புத்தாண்டின் முதல் ‘யுனிகார்ன் நிறுவனம் எனும் சிறப்பை,‘ஹொனாசா கன்ஸ்யூமர்’ நிறுவனம் பெற்றுள்ளது.
தனிநபர் ஆரோக்கியம் சம்பந்தமான பொருட்களை விற்பனை செய்யும் மின்னணுவர்த்தக தளமான ஹொனாசா கன்ஸ்யூமர் நிறுவனத்தின் மதிப்பு, 1.2 பில்லியன் டாலரை அதாவது, இந்திய மதிப்பில் கிட்டத்தட்ட 9 ஆயிரம்கோடி ரூபாயை தாண்டியுள்ளது. இதை அடுத்து இந்நிறுவனம், யுனிகார்ன் அந்தஸ்தை பெற்றுள்ளது.
ஒரு ‘ஸ்டார்ட் அப்’ நிறுவனத்தின் மதிப்பு, ஒரு பில்லியன் டாலரை, அதாவது 7,500 கோடி ரூபாயை தாண்டினால், அந்நிறுவனம், யுனிகார்ன் நிறுவனமாக கருதப்படும்.இந்த வகையில், ஹொனாசா நிறுவனமும் யுனிகார்ன் நிறுவனமாக உயர்ந்துள்ளது. அத்துடன் இந்த புத்தாண்டில் யுனிகார்ன் அந்தஸ்துக்கு உயர்ந்த முதல் நிறுவனம் எனும் சிறப்பையும் அடைந்துள்ளது.
அண்மைக் காலமாக, பலசுற்று நிதி திரட்டலை மேற்கொண்ட நிலையில், இதன் மதிப்பு தற்போது 9 ஆயிரம் கோடி ரூபாயை எட்டியுள்ளது.திரட்டப்பட்ட நிதியை கொண்டு, இந்நிறுவனம் மேலும் பல தனிநபர் ஆரோக்கியம் சம்பந்தமான பொருட்களை விற்பனை செய்ய உள்ளது.
அத்துடன், வினியோகம், சந்தைப்படுத்துதல் ஆகிய பிரிவுகளையும் வலுப்படுத்த உள்ளதாக தெரிவிக்கப்பட்டுள்ளது.கடந்த 5 ஆண்டுகளுக்கு முன் துவங்கப்பட்ட இந்நிறுவனம், தற்போது, ஆயிரத்துக்கும் மேற்பட்ட நகரங்களை எட்டிஉள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|