நிதி திட்டமிடலை மேற்கொள்ளவும், ஏற்கனவே மேற்கொண்ட நிதி திட்டமிடலை ஆய்வு செய்து மாற்றங்களை மேற்கொள்ளவும் புதிய ஆண்டின் துவக்கம் சரியான தருணம். அதிலும் குறிப்பாக கடந்த 2021ம் ஆண்டில் நிதி உலகில் முக்கிய மாற்றங்கள் நிகழ்ந்துள்ள நிலையிலும், இந்த ஆண்டு புதிய நிதி போக்குகள் தாக்கம் செலுத்தும் என எதிர்பார்க்கப்படும் நிலையிலும், நிதி திட்டமிடலில் கூடுதல் கவனம் செலுத்துவது அவசியமாகிறது.

இந்த ஆய்வை நிதி தீர்மானங்களில் இருந்து துவக்குவதும் பொருத்தமானதே. அந்த வகையில், 2022ம் ஆண்டில் மேற்கொள்ள வேண்டிய நிதி தீர்மானங்களை பார்க்கலாம்.
பெரிய செலவுகள்:

எந்த பெரிய செலவையும் திட்டமிட்டு மேற்கொள்வது என்பது உங்கள் முதல் தீர்மானமாக இருக்கட்டும். இதற்கு முன் கடந்த ஆண்டு செலவுகளை ஆய்வு செய்து, தேவை இல்லாத செலவுகளை கண்டறிய வேண்டும். அதிக செலவுள்ள பொருட்களை வாங்க திட்டமிட்டு சேமிப்பதே சிறந்த வழி.

நிதிக்கு ஒரு நாள்:

நிதி விஷயங்களில் கவனம் செலுத்த மாதம் ஒரு நாளை ஒதுக்குவது என உறுதி கொள்ளுங்கள். நிதி விஷயங்கள் எல்லாம் தவறாமல் குறித்து வைத்து, மாதந்தோறும் ஆய்வுசெய்வதன் வாயிலாக, உங்கள் நிதி முன்னேற்றத்தைகண்டறியலாம். வங்கிக் கணக்கு அறிக்கை, கிரெடிட் கார்டு அறிக்கை போன்றவற்றை கவனமாக வாசிக்கவும்.

கடன் வேண்டாம்:

செலவுகளை திட்டமிட்டு மேற்கொள்வதோடு, கடனில் வாங்குவதையும் தவிர்ப்பது நல்லது. பொருட்களை வாங்கிய பின் பணம் செலுத்தும் பி.என்.பி.எல்., போன்ற வசதி எளிதாக கடன் வலையில் தள்ளிவிடும் என்பதால், இந்த வகை கடனை தவிர்ப்பது என்பதும் தீர்மானமாக இருக்கட்டும்.

வீட்டுக்கடன் :

குறைந்த வட்டி விகித சூழல் மாறும் நிலை உள்ளது. எனவே, வீட்டுக்கடன் பெற்றவர்கள், அதிக வட்டி செலுத்திக் கொண்டிருந்தால், குறைந்த வட்டி தரும் வங்கிக்கு மாறுவதை பரிசீலிக்கலாம். வீட்டுக்கடன் நிலையை ஆய்வு செய்வதும்முக்கிய தீர்மானமாக அமைவது நல்லது.

கிரெடிட் ஸ்கோர்:

பலரும் கிரெடிட் ஸ்கோர் குறித்து அதிகம் கவலைப்படுவதில்லை. ஆனால், கிரெடிட் ஸ்கோரே கடன்தகுதியை தீர்மானிப்பதால், இதில் கவனம் செலுத்துவதுஅவசியம். ஆண்டுக்கு இரு முறை கிரெடிட் ஸ்கோர்அறிக்கையை ஆய்வு செய்வது நல்லது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜனவரி 02,2022

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜனவரி 02,2022

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜனவரி 02,2022

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜனவரி 02,2022

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜனவரி 02,2022

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்