திருப்பூர்:கொரோனா காலத்தில், திருப்பூர் பின்னலாடை துறையினருக்கு, 201 கோடி ரூபாய் ஜி.எஸ்.டி., ‘ரீபண்டு’ வழங்கப்பட்டுள்ளது.

திருப்பூர் மாவட்ட மத்திய ஜி.எஸ்.டி., அலுவலகத்தில், ஏப்., – ஆக., வரை ஐந்து மாதங்களில், ஆடை ஏற்றுமதி நிறுவனங்களின், 359 விண்ணப்பங்களுக்கு, 72.31 கோடி ரூபாய் வழங்கியது. மேலும் ஆடை உற்பத்தி சார்ந்த பிற நிறுவனங்களின், 245 விண்ணப்பங்களுக்கு, 12.46 கோடி ரூபாய் என, மொத்தம், 84.77 கோடி ரூபாய், ஜி.எஸ்.டி., ‘ரீபண்டு’ வழங்கப்பட்டுள்ளது.

மாவட்ட வணிக வரித்துறை மூலம், மார்ச் முதல் ஆகஸ்ட் வரை ஆறு மாதங்களில், 1,122 விண்ணப்பங்களுக்கு, 116.29 கோடி ரூபாய் ‘ரீபண்டு’ வழங்கப்பட்டுள்ளது. இரு துறைகள்மூலம், மொத்தம், 201.06 கோடி ரூபாய் வழங்கப்பட்டுள்ளது.

மத்திய ஜி.எஸ்.டி., திருப்பூர் மாவட்ட துணை கமிஷனர் சித்தார்த்தன் கூறியதாவது: தகுதியுள்ள விண்ணப்பங்களுக்கு, விரைந்து ‘ரீபண்டு’ வழங்கப்படுகிறது.ஏப்ரல் முதல் ஆகஸ்ட் வரை, மத்திய ஜி.எஸ்.டி., அலுவலகத்தில்,94.99 கோடி ரூபாய் ‘ரீபண்டு’ கேட்டு, 636 விண்ணப்பம் பெறப்பட்டன. இதில், 604 விண்ணப்பங்களுக்கு, 84.77 கோடி ரூபாய் தொகை விடுவிக்கப்பட்டது.

ஆவண குறைபாடு காரணமாக, 32 விண்ணப்பங்களுக்கான, 1.57 கோடி ரூபாய் ‘ரீபண்டு’ நிலுவையில் வைக்கப்பட்டுள்ளது. தவறாக விண்ணப்பிக்கப்பட்டதால், 8.65 கோடி ரூபாய் ‘ரீபண்டு’ நிராகரிக்கப்பட்டுள்ளது.இவ்வாறு, அவர் கூறினார்.

மேலும் ஜவுளி செய்திகள்

ரஷ்யா – உக்ரைன் போரால் திருப்பூரில் ‘ஆர்டர்’ இழப்பு செப்டம்பர் 15,2020

திருப்பூர்:உக்ரைன் -– ரஷ்யா போர் எதிரொலியாக, போலந்து வர்த்தகர்கள் ஆடை தயாரிப்பு ஆர்டர்களை ரத்து செய்து ... மேலும்

திருப்பூர் ஏற்றுமதியாளர் நம்பிக்கை செப்டம்பர் 15,2020

திருப்பூர்:திருப்பூரின் பின்னலாடை ஏற்றுமதி வர்த்தகம், நடப்பு நிதியாண்டில், 32 ஆயிரம் கோடி ரூபாயை ... மேலும்

ஆயத்த ஆடை ஏற்றுமதி 37.24 சதவீதம் வளர்ச்சி செப்டம்பர் 15,2020

திருப்பூர் : நடப்பு நிதியாண்டின் முதல் எட்டு மாதங்களில், நாட்டின் ஆயத்த ஆடை ஏற்றுமதி, 71 ஆயிரத்து, 601 கோடி ரூபாயை ... மேலும்

‘திவால்’ நிறுவனத்தை வாங்க முயற்சிக்கும் முகேஷ் அம்பானி செப்டம்பர் 15,2020

மும்பை : முகேஷ் அம்பானி தலைமையிலான ‘ரிலையன்ஸ் இண்டஸ்ட்ரீஸ்’ ஜவுளித் துறையை சேர்ந்த ‘திவால்’ நடவடிக்கைக்கு ... மேலும்

திருப்பூரின் வர்த்தக இலக்கு ஒரு லட்சம் கோடி ரூபாய் செப்டம்பர் 15,2020

திருப்பூர்:‘‘ஒரு லட்சம் கோடி ரூபாய் என்ற வர்த்தக இலக்கை, திருப்பூர் பின்னலாடை உற்பத்தி துறை விரைவில் ... மேலும்