திருப்பூர்:‘பொங்கலுக்கு பின், திருப்பூர் பின்னலாடைத்துறை சிறப்பதற்கான வாய்ப்புகள் அதிகரித்துள்ளன’ என்கின்றனர், பின்னலாடைத் துறையினர்.

ஆயத்த ஆடை ஏற்றுமதி மேம்பாட்டு கவுன்சில்(ஏ.இ.பி.சி.,) தலைவர் சக்திவேல் கூறியதாவது: ஊரடங்கு காலத்தில், மற்ற நகரங்கள் முழுமையாக முடங்கின. ஆனால், முழு கவச ஆடை; முக கவசம் தயாரிப்பு என, திருப்பூர் பின்னலாடை துறை, தன்னை உயிர்ப்புடனேயே வைத்திருந்தது.

தற்போது, இன்னல்கள் எல்லாம் விலகிவருகின்றன. கொரோனாவுக்கு தடுப்பூசி தயாராகிவிட்டது.செயற்கை இழை ஆடை உற்பத்தியை ஊக்கப்படுத்தும் வகையில், மத்திய அரசு சிறப்பு திட்டங்களை விரைவில் அறிவிக்க உள்ளது. அரசின் ஊக்கம்; தொழில் முனைவோர் மற்றும் தொழிலாளரின் கடின உழைப்புக்கு, நிச்சயம் வெற்றி கிடைக்கும். தை பிறந்தால் வழி பிறக்கும். இந்த ஆண்டு, ஆடை உற்பத்தி துறைக்கு பிரகாசமானதாக அமையும்.இவ்வாறு கூறினார்.

திருப்பூர் ஏற்றுமதியாளர் சங்க தலைவர் ராஜா சண்முகம் கூறியதாவது:கொரோனா பாதிப்புகளில் இருந்து, திருப்பூர் பின்னலாடை துறை, மீண்டுவருகிறது. அமெரிக்கா, ஐரோப்பா உட்பட உலகளாவிய நாடுகளில் இருந்து, ஆடை தயாரிப்புக்கான, வர்த்தக விசாரணை வருகை அதிகரித்துள்ளது.

சீனாவுக்கு செல்ல வேண்டிய குளிர்கால ஆடை தயாரிப்பு ஆர்டர்கள், நம் நாட்டை நோக்கி வந்துகொண்டிருக்கின்றன. ஆனால், குளிர்கால ஆடை தயாரிப்பில், நாம் பின்தங்கியுள்ளோம். பின்னலாடை நிறுவனங்கள், குளிர் கால ஆடை உற்பத்தியை மேம்படுத்த வேண்டும்.இவ்வாறு, ராஜா சண்முகம் கூறினார்.

மேலும் ஜவுளி செய்திகள்

ரஷ்யா – உக்ரைன் போரால் திருப்பூரில் ‘ஆர்டர்’ இழப்பு ஜனவரி 13,2021

திருப்பூர்:உக்ரைன் -– ரஷ்யா போர் எதிரொலியாக, போலந்து வர்த்தகர்கள் ஆடை தயாரிப்பு ஆர்டர்களை ரத்து செய்து ... மேலும்

திருப்பூர் ஏற்றுமதியாளர் நம்பிக்கை ஜனவரி 13,2021

திருப்பூர்:திருப்பூரின் பின்னலாடை ஏற்றுமதி வர்த்தகம், நடப்பு நிதியாண்டில், 32 ஆயிரம் கோடி ரூபாயை ... மேலும்

ஆயத்த ஆடை ஏற்றுமதி 37.24 சதவீதம் வளர்ச்சி ஜனவரி 13,2021

திருப்பூர் : நடப்பு நிதியாண்டின் முதல் எட்டு மாதங்களில், நாட்டின் ஆயத்த ஆடை ஏற்றுமதி, 71 ஆயிரத்து, 601 கோடி ரூபாயை ... மேலும்

‘திவால்’ நிறுவனத்தை வாங்க முயற்சிக்கும் முகேஷ் அம்பானி ஜனவரி 13,2021

மும்பை : முகேஷ் அம்பானி தலைமையிலான ‘ரிலையன்ஸ் இண்டஸ்ட்ரீஸ்’ ஜவுளித் துறையை சேர்ந்த ‘திவால்’ நடவடிக்கைக்கு ... மேலும்

திருப்பூரின் வர்த்தக இலக்கு ஒரு லட்சம் கோடி ரூபாய் ஜனவரி 13,2021

திருப்பூர்:‘‘ஒரு லட்சம் கோடி ரூபாய் என்ற வர்த்தக இலக்கை, திருப்பூர் பின்னலாடை உற்பத்தி துறை விரைவில் ... மேலும்